ဆူးငှက်
၁၉၉၉-၂၀၀၀ ပြည့်နှစ် မန္တလေးမြို့မတူရိယာအသင်းစိန်ရတုသဘင်အခမ်းအနားအတွက် ပြင်ဆင်နေဆဲကာလတွင် ၈၆ လမ်းနှင့် ၂၁လမ်းထောင့်ရှိ မြို့မအသင်းတိုက်သို့ အပတ်စဉ် စနေနေ့တိုင်း ရောက်ဖြစ်နေသည်။ အသင်းတိုက်ရှေ့ ပိတောက်ပင်အောက် ခုံဝိုင်းလေး၌ ထိုင်ရင်း မြို့မအသသင်း နာယက လူကြီးများထံမှ ရှေးဖြစ်ဟောင်း အောက်မေ့ဖွယ်ရာများ နာကြားရသည်မှာ အရသာရှိလှသည်။
အသက် ၉၀ နားနီးနေသော်လည်း နာယကကြီး တောင်မြို့ဦးကိုလေးမှာ အလွန် မှတ်မိတက်ကြွလှသည်။ သူ့မိတ်ဆွေ ကိုသန့်နှင့် ကိုညိန်း အကြောင်းများ ပြောလျှင် မမောနိုင်မပန်းနိုင်….၊ ကျွန်တော်ကလည်း အချိန်ရလျှင်ရသလို သိလိုသည်များမေးမြန်းရသည်။
'အဘရေ … အသံချဲ့စက်က သီချင်းတစ်ပုဒ်ဖွင့်နေသံကြားရင် လူမမြင်ရ၊ အရုပ်မမြင်ရပေမဲ့ ဒါမြို့မလို့ နားကသိတယ်။ ကဲ … သီချင်းကမှ ဆရာငြိမ်းသီချင်း၊ ဦးဘသိန်းသီချင်းလို့ခွဲသိပြီး မြို့မလို့တပ်အပ်ပြောနိုင်တာမျိုးရှိနိုင်သေးတယ်။ ဥပမာဆိုပါတော့ ဆရာ … ယိုးဒယား ကန်တော့ခန်းလို တီးလုံးကိုပဲ မန္တလေးက အသင်းချင်းအတူတူ ဒါ … မြို့မပဲလို့ တတ်အပ်ပြောနိုင်တယ်။ အဲလို အခြား တီးဝိုင်းတွေနဲ့ ခွဲပြီး သိနိုင်တဲ့ ထူးခြားမှုတွေ မြို့မမှာရှိတာသေချာတယ်။ အဲဒီထူးခြားမှုတွေက ဘာတွေလဲ အဘ …' ဟု တစ်နေ့တွင် နာယကကြီး ဦးကိုလေးအား မေးမြန်းမိသည်။
နာယကကြီးက ကျွန်တော့်ကိုပြုံးကြည့်ပြီး ခေါင်းတညိတ်ညိတ်လှုပ်နေသည်။ 'ကိုရင်လေးမေးတော့ ချက်ချင်းမဖြေသေးဘူး။ ကိုယ်သေချာစဉ်းစားပြီးမှ ဖြေမယ်' ဟု ပြောခဲ့သည်။ နောက်တော့ … ထုံးစံအတိုင်း ကျွန်တော်ကလည်း မေ့မေ့ပျောက်ပျောက် ….။ နာယကကြီး ကလည်း အရွယ်နှင့်မမျှသော တာဝန်ယူမှုများဖြင့် အလုပ်ရှုပ် ….။
___ ___ ___
၂၀၀၂ ခုနှစ်၏ ဂိမာန်နွေဦးနေ့တစ်နေ့တွင် အမရပူရတောင်လေးလုံးကျောင်းတိုက်သို့ အမှတ်တရပွဲတစ်ပွဲသွားဖြစ်သည်။ ကျွန်တော်က နည်းနည်းနောက်ကျ …။ သူဌေးဘုရားရင်ပြင်တွင် ခင်းကျင်းထားသော ပလတ်စတစ်ရောင်စုံဖျာချပ်များပေါ်၌ပင် နေပြောက်များထိုးကာ အပူရှိန်ကျရောက်နေပြီ။ ဆရာတော့်ကျောင်းသင်္ခဏ်းဘက် စက္ကူပန်းရုံ၏အရိပ်ကျရာ ရင်ပြင်အစွန်းနေရာတွင် လက်ကျန်စကားဝိုင်းတစ်ဝိုင်းက လက်ဖက်ခွက်နှင့်အရှိန်ရနေဆဲဖြစ်၏။ ကျောင်းပေါက်ဝမှ လွယ်အိတ် ဒရင့်တိုက်နှင့်ဝင်လာသော ကျွန်တော့ကိုမြင်တော့ ….'လာ … လာ ..၊ ဒီမှာ မြို့မနာယကကြီးက မောင်ရင့်ကို မနက်ကတည်းကမေးနေတာ၊ လာမှာပါလို့ ပြောထားရတယ်' ဟု ဆရာတစ်ယောက်က လှမ်းခေါ်သည်။ ကျွန်တော်လည်း ၀ိုင်းသို့ဝင်လိုက်၏။ အား … လူကြီးတွေချည်းပါလား။
မြို့မနာယကကြီး တောင်မြို့ ဦးကိုလေးက 'ကိုရင့်ကို စောင့်နေတာ။ ကိုရင်မေးထားတဲ့ မေးခွန်းကို ဒီနေ့ဖြေမလို့ပဲ။ သေသေချာချာ နားထောင်' ဟု ဆိုမှ ကြက်သီးဖျန်းခနဲထမျှ ၀မ်းသာသတိရသွားသည်။ လွန်ခဲ့သော နှစ်နှစ်ကျော်က ကျွန်တော်မေးမိလေသော မေးခွန်း …။ လူငယ်တွေကသာပြီးပြီးရော .. မလေးနက်ခဲ့တာ …။ လူကြီးတွေက ဘယ်အရာမှ ပေါ့ပေါ့တန်တန်သဘောမထား …။ စနစ်ကျသည်။ လေးနက်သည်။ ဖြတ်သန်းရသည့် ခေတ်၏သင်ကြားမှုများနှင့်ဆိုင်မည်ထင်သည်။ ထား ….။
'ကိုရင်လည်း သိတာပဲ ..။ ကိုညိန်းနေတာ ရှေ့တော်ပြေးဝင်းမြောက်ပေါက်၊ ရွာစားကြီးစိန်ဗေဒါနဲ့ အိမ်ချင်းကပ်လျက် …။ နောက်မှသာ ရွာစားကြီးက နေရှင်နယ်ကျောင်းနားပြောင်းသွားတာ။ ကဲ … ထားတော့ …။ ကိုညိန်းနဲ့ရွာစားကြီးနဲ့က အိမ်ချင်းကပ်လျက်..။ ရွာစားကြီးအိမ်က တီးသံမှုတ်သံတွေကို မွေးကတည်းက ကြားခဲ့ရတာ …။ ကိုညိန်းမှာပါခဲ့တဲ့ ဂီတအထုံ၊ ဂီတပါရမီ၊ ဂီတမျိုးစေ့ကို ရွာစားကြီးရဲ့ ဆိုင်းသံဝိုင်းသံတွေက ပိုမိုကြီးထွားတိုးတက်လာအောင် မြေတောင်မြှောက်ပေးခဲ့တာဆိုရင်လည်း မမှားဘူးနော် …။ ကိုညိန်းရဲ့ လက်ဦးဆရာ ကလည်း ရွာစားကြီးဆိုရင် မမှားဘူး။ ကိုညိန်းကိုယ်နှိုက်က ရွာစားကြီးကို အလွန်လေးစား၊ အလွန်တန်ဖိုးထားခဲ့တာ …။ ရွာစားကြီး ဆိုင်းဝိုင်းရှိရာ ကိုညိန်းက ကျုပ်တို့အပါအ၀င်သူ့အဖွဲ့သားတွေနဲ့ တကူးတကန့်သွားပြီး နားထောင်စေခဲ့၊ မှတ်သားစေခဲ့တာ …။ ရွာစားကြီး တီးပုံ၊ အကွက်ဖော်ပုံ၊ အဆစ်ပေးပုံ၊ အတောအသတ်၊ အတိုအရှည်တွေကအစ သေချာမှတ်သားကြရတာ …။ ကိုသန့်ဆိုတာကလည်း ဓားတန်းက သူ့တိုက်ကြီးပေါ်ဆိုင်းဝိုင်းကြီးတင်ထားပြီး ရွာစားကြီးကို ပင့်ဖိတ်ပြီး သင်ရိုးကုန်ပညာယူခဲ့တဲ့ ပုဂ္ဂိုလ်တစ်ယောက် …..။
ကဲ … ကိုရင်နားအလည်လွယ်ဆုံးစကားလုံးနဲ့ ပြောလိုက်မယ်။ ကိုသန့်တို့ ကိုညိန်းတို့ကအစ ကျုပ်တို့မြို့မတစ်ဖွဲ့လုံး စကတည်းက စိန်ဗေဒါညှော်မိနေ၊ ညှော်ဝနေကြတာကွဲ့ ….' နာယကကြီး တောင်မြို့ဦးကိုလေးက စကားကိုနားပြီး လက်ဖက်ရည်ကြမ်းတစ်ခွက်သောက်လိုက်သည်။
ညှော် ……။
စိန်ဗေဒါ ညှော်…။
ဟုတ်သည်။
ဒါဆိုလျှင် အတော်ရှင်းသည်။
နာယကကြီးက စကားဆက်သည်။
မန္တလေး လေးပြင်လေးရပ်ဘယ်နားမှာပဲ ရွာစားကြီးဆိုင်းအဖွဲ့ရှိရှိ ကျုပ်တို့တစ်ဖွဲ့လုံးက သေသေချာချာသွားနားထောင်ကြတာ။ ရွာစားကြီးဆိုင်းက တူရိယာအားလုံးတီးပုံ၊ မှုတ်ပုံကို ကျုပ်တို့တစ်ဖွဲ့လုံးက ပါးစပ်ဆိုင်းနဲ့တီးလုံးတွေမှတ်ခဲ့ကြတာ …။ အဆစ်တွေမှတ်ခဲ့ကြ တာ …၊ ရွာစားကြီးဆိုင်းပတ်စာခွာမှ ပြန်ကြတာ။ အပြန်မှာလည်း လမ်းမှာပါးစပ်ဆိုင်းသံတညံညံနဲ့ပေါ့ …။ စောစောကမှ နားထောင်ပြီး မှတ်ခဲ့ကြတဲ့ တီးလုံးတွေကို ပါးစပ်ဆိုင်းနဲ့အကွက်ကျကျ ပြန်တီးခဲ့ကြတာလေ။ ရွာစားကြီးတီးသမျှ သီချင်းကြီးသီချင်းခံ မဟာဂီတနဲ့ပတ်စမ်း မကျန်အကုန်အလွတ်ရနေကြတာ။ ကိုညိန်းသီချင်းတွေကလည်း မဟာဂီတအသွားတွေနဲ့မလွတ်ဘူးလေ…။ အမြဲတမ်းပါတယ်။ ဆရာတင့် သီချင်းတွေဆို ပိုပြီးပါသေးတာ …။ ကိုင်း … သူတို့သီချင်းတွေကို တို့အဖွဲ့က တီးကြမှုတ်ကြတော့ ဂီတသင်္ကေတ(notes) တွေထဲမှာ မပါပေမယ့် ကလယ်ရီနက် သမားတွေလည်း စိန်ဗေဒါ့နှဲအသွားကိုအလွတ်ရနေပြီး လျှာခင်အဖိအဖော့က အလိုအလျှောက်ပါလာတာ …။ ထရန်ဘုန်းသမားဆိုပါတော့။ စိန်ဗေဒါ့ပတ်မချက်အတိုင်း လျှာခင်ကိုလျှာနဲ့ အပိတ်အဆို့အလိုလိုဖြစ်ကုန်တာ …။ ပြီးတော့ အသံခန့်ခွဲမှု တွေကလည်း လေမှုတ်တွေ၊ စန္ဒရား တွေ၊ တယောတွေနဲ့ပေမယ့် ဆိုင်းဝိုင်းကြီးက ခန့်ခွဲမှုမျိုး အဆို့အပိတ် ဌာန်၊ မာန်မျိုးဖြစ်နေတာ …။ အဲဒါမြို့မမူပဲ။ ထူးခြားပြီး ကွဲထွက်လာတဲ့ မူပဲ ….'
နာယကကြီး တောင်မြို့ဦးကိုလေးက သေချာရှင်းပြသည်။ ထို့နောက် နမူနာအနေနှင့် ဆရာမြို့မငြိမ်း၏ 'မေဓာဝီ' သီချင်းမှ မဟာဂီတအသွားတစ်ခု၏ ပတ်မအဆို့အပိတ်များနှင့် လေမှုတ်တူရိယာများ၏ အဖြတ်အတောက်အ၀င်အထွက်များကို ပါးစပ်ဆိုင်းဖြင့် တီးမှုတ်ပြ၏။
___ ___ ___
ညှော် …. တဲ့။
ဓားတန်းဦးသန့်တို့၊ မြို့မငြိမ်းတို့နှင့် မန္တလေးမြို့မတူရိယာအသင်းသားတွေက ရွာစားကြီးစိန်ဗေဒါညှော်မိခဲ့သည်။ ညှော်ဝခဲ့သည်။
ထိုထိုဆရာများနှင့် ထိုအသင်း၏ သီချင်းဂီတစသော အနုပညာပစ္စည်းများကား တစ်မျိုးတစ်ဘာသာဆန်းသစ်ထူးခြားခြင်းက ထို 'ညှော်' ကိုလည်း မန္တလေးမှာ အထူးအလေးအနက်တန်ဖိုးထားကာ မျိုးဆက်တစ်ဆက်ပြီးတစ်ဆက်လက်ဆင့်ကမ်းခဲ့ကြသည်။ ထို
'ညှော်' ကား သာမညမဟုတ်။
ရွှေနန်းတော်ထက်ဖွား၊ အမျိုးသားအမွေအနှစ် 'ညှော်' ဖြစ်သည်။
ထိုတန်ဖိုးကို နားလည်မြတ်နိုးသူတိုင်းက လက်ဆင့်ကမ်းတလေးတစားအမွေဆက်ခံခဲ့ကြ၏။
စန္ဒရား ဦးသိန်းမောင်၏ စန္ဒရားတပည့်ဖြစ်ခဲ့သူ (ကို) မောင်မောင်(အဉ္ဇလီ)အထိ ဆိုပါစို့ ….။
စန္ဒရား ဦးသိန်းမောင်ဆိုတာ ဓားတန်းဦးသန့်၊ မြို့မငြိမ်းတို့ထံမှ ဂီတအမွေဆက်ခံသူ …။ ချစ်သမျှကို…၊ ပန်းမြိုင်လယ်တို့ကို အနောက်တိုင်း နည်းစနစ်လက်ဆယ်ချောင်းဖြင့် ဆန်းသစ်စွာတီးခတ်ခဲ့သူ ….။
၁၉၅၅ မှ ၁၉၆၀ အတွင်းဝန်းကျင်များကတည်းက ဖြစ်မှာပေါ့ ….။
ဆူးငှက်